Gareth Bale përjashtoi Mohamed Salahun kur emëroi lojtarin që ai mendon se do të fitojë Topin e Artë të këtij viti.

Të dielën pasdite, Salah dëshmoi se ishte krijuesi i diferencës edhe një herë pasi ai shënoi një dhe asistoi një tjetër për të ndihmuar Liverpoolin të mposhtte Manchester Cityn 2-0 në Ligën Premier.

Si rezultat, Liverpool tani mban një epërsi prej 11 pikësh në krye të tabelës përpara Arsenalit, i cili pësoi një humbje shokuese kundër West Ham United të shtunën.

Salah ka luajtur një rol jetik në përpjekjen e Liverpoolit për t’u bërë kampion i Ligës Premier, pasi ka shënuar 25 gola dhe ka asistuar 16 në 27 paraqitje.

Më herët gjatë sezonit, ish superylli i Madridit dhe Uellsit, Bale e shpërfilli Salahun kur iu kërkua të zgjidhte fituesin e tij të Topit të Artë të vitit 2025.

Kur u pyet nga ish-mbrojtësi i Manchester United Rio Ferdinand në nëntor 2024: “Kush e fiton Topin e Artë tjetër?”, Bale u përgjigj: “(Kylian) Mbappe”.

Një Ferdinand i habitur thjesht tha: “Uau”. /Telegrafi/